இயற்பெயர் மலர்விழி பாஸ்கரன் (1983).

மதுரையில் பிறந்து சென்னை சீனா மலேசியா என்று சுற்றிவிட்டு தற்போது அமீரகத்தில் வசித்து வருகிறார். கதைகள் மீது அபாரக்காத கொண்டவர். அறிபுனைவுகளிலும் வரலாற்றுப் புனைவுகளிலும் கூடுதல் நாட்டம். எழுத்தின் எல்லைகோட்டுக்குள்ளும் வெளியும் உள்ள பல்வேறு பரிமாணங்களையும் தொட்டுப்பார்த்துவிடவும் புதிய முயற்சிகளை மேற்கொள்ளவும் விரும்புகிறவர்.

அமேசான் பென் டு பப்ளிஷ் போட்டியின் மூலம் பிரபலமான யூனிட்109 உட்பட 5 அறிபுனைப் புதினங்கள், ’கடாரம்’ துவங்கி காம்போஜம் வரை 3 வரலாற்றுப்புதினங்கள் இதுதவிர க்ரைம் சமூக த்ரில்லர் வகைப்புனைவுகள் ஒரு மொழிபெயர்ப்புப்புதினம் ஒரு வாலாற்று பயணக்குறிப்பு அபுனைவு நூலொன்று பல்வேறு வகைமைகளில் நூல்கள் எழுதியிருக்கிறார். இணைய இதழ்களிலும் மலேசிய நாளிதழிலும் தொடர்கதைகள் எழுதி இருக்கிறார். தென்கிழக்காசிய வரலாற்று ஆய்வுகளிலும் தொடர்ந்து ஈடுபட்டு வருகிறார். அறிவியல் புனைவில் பரிசு பெற்ற சிறுகதை முதல் பல சிறுகதைகளும் எழுதியிருக்கிறார்.